- 3
- 15
- 18
- 18
- 1
- 1
- 2
- 17
- 13
- 12
- 6
- 19
- 33
- 1
- 34
- 4
- 6
- 4
- 3
- 2
- 20
- 3
- 1
- 2
- 9
- 3
- 36
- 1
- 2
- 1
Pema e Thate
Pema e Thate ne Ksamil
Pema e Thate ndodhet afër Ksamilit, përballë ishullit të Korfuzit (rreth gjysmë milje larg). Plazhi Pema e Thate është i vogël, ka ujërat kristal e te qartë. Nuk është shumë i thellë dhe konsiderohet ideal për fëmijët. Është një plazh me rërë të imët.
Një nga plazhet më të njohura të Ksamilit është Pema e Thatë. Plazhi ndodhet në jug të Ksamilit dhe mund të arrihet lehtësisht nëpërmjet një rruge të vogël. Të asfaltuar që kalon përmes një pylli i cili është pjesë e Parkut kombëtar të Butrintit. Një mënyrë tjetër për të vajtur është ajo me mjete detare si varkë, motoskaf etj.
Pema e Thatë është një plazh privat i cili përbëhet nga disa gjire të vegjël, të veçuar që fshihen aty këtu. Nga plazhi duket ishulli i Korfuzit, i cili është mjaft afër në atë pikë.
Pranë plazhit do të gjeni të gjitha shërbimet që ju nevojiten, gjithashtu edhe guida me varka, që ofrojnë udhëtime për të eksploruar gjire, plazhe apo shpella të shumta përgjatë bregut.
Plazhi është i vogël, por uji është i pastër si kristali dhe jo shumë i thellë. Kjo sidomos preferohet nga familjarët për shkak të fëmijëve. Rëra e imtë është një tjetër pasuri e këtij plazhi, ku thuajse të gjithë mbeten të mrekulluar.
Gjithashtu afër ka restorante me ushqime shumë të mira, dhe është një vend perfekt për të kaluar një ditë, apo edhe më shumë. N Turistët e huaj mbeten të fascinuar me çmimet, por edhe me bukurinë.
Vendësit thonë se emri “Pema e Thatë” ka mbetur për shkak të një peme, që ndodhej në ujë afër plazhit. Pema ishte disa qindra vjeçare, por nuk është më.
Rrugës gjithashtu mund të vëreni që nuk ka shumë bunkerë të ndërtuar në kohët e Enver Hoxhës. Ato janë shkatërruar për t’u shitur për hekur dhe vetëm rreth detit kanë mbetur, pasi Enver Hoxha mendonte se rreziku vjen nga deti.
Nëse kaloni ditë në Ksamil dhe dëshironi një vend më ndryshe, atëherë patjetër se duhet të vizitoni këtë plazh dhe nuk do të mbeteni të zhgënjyer.