Gjiri i Kakomese – Lokacioni dhe Karakteristikat e Përgjithshme. Ndodhet rreth 13 km në veri të Sarandës. Ai është një plazh krejtësisht i izoluar në një gji të vogël. Rrethinat janë të bukura dhe të gjelbëruara, ndërsa plazhi është plotësisht i pa shkelur. Kjo e bën gjirin shumë atraktiv për turistët që kërkojnë natyrë të virgjër dhe qetësi.

Si të Arrini në Gjirin e Kakomese dhe Opsionet Turistike me Anije

Plazhi i Gjirit të Kakomese ndodhet në Nivicë dhe është ideal për not dhe relaksim. Nuk ka rrugë që të çojnë drejtpërdrejt në plazh, kështu që mënyra e vetme për të arritur aty është me varkë.

Gjatë sezonit turistik, ne ofrojme tur eme anije dhe gomone për në Gjirin e Kakomese. Ka opsione të ndryshme për udhëtim: anije turistike, gomone të shpejta dhe skafe private. Këto mjete detare zakonisht nisin rreth orës 9 ose 10 të mëngjesit dhe bëjnë ndalesa në vende të ndryshme si plazhi i Krorëzës dhe Gjiri i Kakomese. Ketu gjeni nje liste me llojet e anijeve dhe tureve qe shkojne ne Gjirin e Kakomese dhe Krorezes => Boat Trips in Sarande

Udhëtimi me gomone dhe skafe ofron mundësinë për të eksploruar bregdetin në mënyrë më fleksibile dhe me një eksperiencë më të personalizuar. Shumë kompani lokale ofrojnë edhe shërbime me guida që njohin mirë zonën dhe mund të tregojnë për historinë dhe natyrën e veçantë të këtij gjiri.

Kjo zonë mbetet një atraksion kryesor për turistët që kërkojnë aventura në det, relaksim në plazhe të virgjëra dhe panoramë të jashtëzakonshme natyrore.

Vendndodhja dhe Karakteristikat Fizike të Gjirit

Gjiri i Kakomese ndodhet 1.5 milje në veri-veri-lindje (V-VL) të Kepit të Qefalit. Gryka futet 3 kabël në drejtim jug-jug-lindje (J-JL), ndërsa gjerësia e hyrjes është 1.5 kabël. Bregu lindor i gjirit është i ulët dhe ranor. Ndërsa bregu verior dhe sidomos ai jugor janë shkëmborë të lartë dhe bien thellë në det. Lartësia e shkëmbinjve në bregun jugor arrin deri në 10-15 metra. Bregu jugor është i mbuluar me pyll, ndërsa ai verior ka kacube të rralla. Nga ana e bregut lindor ndodhen ara të punuara.

Në verilindje të gjirit ndodhen dy ndërtesa prej guri që dallohen gjatë hyrjes në gji. Aktualisht po ndërtohet një fshat i ri turistik, dhe këto ndërtesa janë në ndërtim e sipër. Në bregun lindor gjenden edhe dy puse me ujë të pijshëm. Njëri është 40 metra dhe tjetri 65 metra larg vijës bregdetare.

Thellësitë dhe Struktura Detare në Gjirin e Kakomese

Thellësitë në gjirin e Kakomese janë të mëdha dhe të ndryshme në varësi të bregut. Bregu verior është më i thellë se ai jugor. Në bregun verior, barasthellësia prej 5 metrash shkon pothuajse deri te vija bregdetare. Në bregun jugor, kjo barasthellësi fillon nga 8 metra në hyrje dhe arrin deri në 52 metra në fund të gjirit.

Një karakteristikë e veçantë e gjirit është se thellësitë rriten menjëherë, jo gradualmente. Për shembull, sapo kalon 5 metra larg bregut, thellësia është 3 metra. Barasthellësia prej 10 metrash kalon shumë afër bregut (rreth 10 metra), midis dy kepave që formojnë hyrjen e gjirit. Nga ana lindore, kjo thellësi ruhet në një distancë prej 85-90 metrash. Thellësia 20 metra shtrihet në hyrje të gjirit në drejtim veriperëndimor të bregdetit.

Gryka është e pastër nga rreziqet nënujore. Megjithatë, në skajin juglindor të saj ndodhet një shkëmb mbiujshëm, i cili është 8-10 metra larg bregut. Thellësitë përreth shkëmbit janë nga 2.9 deri në 3.4 metra. Këtu mund të ankorohen vetëm mjete të vogla detare.

Kushtet e Erërave në Gjirin e Kakomese

Gjiri është i mbrojtur nga erërat jugore, lindore dhe pjesërisht veriore. Për erërat e tjera, sidomos ato veriperëndimore, gjiri është krejtësisht i hapur. Një veçori e veçantë e gjirit është era lindore që fryn me shpejtësi nga lugina e madhe midis dy maleve. Kjo erë shpesh ka drejtim dredhe dhe vështirëson qëndrimin e anijeve në gji.

Në stinën e dimrit, kjo erë është shumë e shpeshtë, por mund të fryjë edhe gjatë verës.

Infrastruktura dhe Bankina në Gjirin e Kakomese

Në bregun lindor të gjirit është ndërtuar një bankinë prej betoni. Ajo ka përmasa 52 metra gjatësi dhe 5 metra gjerësi. Thellësitë pranë bankinës variojnë nga 0.2 metra në cepin lindor deri në 5.40 metra në cepin perëndimor (krye i molit). Në anën veriore, thellësitë shkojnë nga 0.2 metra deri në 5.60 metra në krye të molit.

Bankina nuk ka shenja orientuese apo ndriçuese për hyrje ose ankorim. Ajo ka nevojë për riparime urgjente. Bankina lidhet me rrugë automobilistike të pa asfaltuara që shkojnë deri te Kepi i Qefalit dhe më pas me rrugën kryesore asfaltuar Kakome – Sarandë – Vlorë përmes Qafës së Kopelit.

Gjiri i Kakomese ndodhet rreth 5 kabël në veri-veri-lindje të kepit verior të hyrjes.