Kepi i Qefalit ne Sarande

Kepi i Qefalit ndodhet rreth 11 kilomtra ne veri perendim te Portit te Sarandes.  (gjerësia 39° 54′.5 V gjatësia 19° 54′.6 L). Kepi është vazhdimi i vargut të kodrave. Duke u  shkëputur nga drejtimi i përgjithshëm veriperëndimor i bregdetit, merr drejtimin perëndimor dhe  përfundon në kepin e lartpërmëndur.

Kepi i Qefalit  ka trajtë të rrumbullakët, nga e cila ka marrë dhe emrin Qefal (që në greqisht do të thotë kokë).  Lartësia e tij është 140.5 m mbi nivelin e detit. Del nga vija bregdetare në drejtimin veriperëndimor  me gjatësi të përgjithshme 6 kabël. I gjithë kepi është veshur me shkurre me gjelbërim të përhershëm  dhe me pyll të rrallë. Skaji perëndimor i kepit përbën një shkëmb të madh me lartësi 25 m, që bie thikë  në det në formë shpelle

Në majën më të lartë (140.5 m) të kepit ndodhet një ndërtesë prej guri 2 katëshe, që duket mirë nga  larg. Thellësitë në afërsi të kepit janë të mëdha dhe ujërat janë të pastra nga rreziqet e nënujshme.  Barasthellsia 5 m kalon nga vija bregdetare e kepit ne largësinë 20 m. Ajo 10 m kalon në largësinë 50  m. Barasthellsia 20 m kalon në largësinë 175 m, ndërsa ajo 50 m kalon në largësinë 325 m nga bregu.

Feneri i Qefalit (gjerësia 39° 55′. V, gjatësi 19° 55′. L) ndodhet në kepin e Qefalit, pranë ndërtesës  ekzistuese. Trajta e shenjës eshte e tille : shtyllë metalike 8 m, në të djathtë të ndërtesës. Lartësia e dritës është 147  m dhe pashmëri 19 milje.